Нийслэлийн Иргэдийн Төлөөлөгчдийн Хурал
Налайх дүүрэгт шинэ цэцэрлэг барьж эхэллээ
2018/10/04
04
10 сар

Налайх дүүрэгт 2-5 настай 3658 хүүхэд бий. Тэдний 2377 нь төрийн өмчийн долоо, хувийн хэвшлийн таван цэцэрлэгт хүмүүжиж байна. Тодруулж хэлбэл, цэцэрлэгийн хүрэлцээ муугаас 1200 гаруй хүүхэд сургуулийн өмнөх боловсрол эзэмшиж чадахгүй байгаа гэсэн үг. Тиймээс тус дүүргээс нийслэлийн ИТХ-ын төлөөлөгчөөр сонгогдсон С.Амарсайхан, дүүргийн Засаг дарга Ч.Раднаабазар зэрэг албаны хүмүүс цэцэрлэгийн хүртээмжийг нэмэгдүүлэхээр холбогдох яам, агентлагт уламжилж буй.

Энэ хүрээнд Налайх дүүргийн I хороонд улсын төсвийн хөрөнгө оруулалтаар цэцэрлэг барих болж, шав тавилаа. Цэцэрлэгийн шав тавих ёслолд УИХ-ын гишүүн Т.Аюурсайхан, нийслэлийн ИТХ-ын дарга С.Амарсайхан, нийслэлийн ИТХ-ын Тэргүүлэгчдийн нарийн бичгийн дарга бөгөөд Ажлын албаны дарга Б.Батбямба болон дүүргийн удирдлага оролцсон юм. Тус цэцэрлэгийн барилгын ажлыг “Оточ Ноёдууд” компани гүйцэтгэнэ. Нийтдээ 150 хүүхэд хүлээн авах хүчин чадалтай эл цэцэрлэгийг ирэх 2019 оны наймдугаар сард ашиглалтад оруулах төлөвлөгөөтэй.

Нийслэлийн ИТХ-ын ХМОНХТ

Холбоо барих
Монгол улт, Улаанбаатар хот, Чингэлтэй дүүрэг, жанжин Д.Сүхбаатарын нэрэмжит талбай 7
Холбоо барих утас: 70119921 /ХМОНХХ/
Имэйл хаяг: info@citycouncil.mn
Copyright © 2018 Нийслэлийн Иргэдийн Төлөөлөгчдийн Хурал. Бүх эрхийг хуулиар хамгаалсан.