Талбайн нэр сэргээх тухай

2016 -оны 9 -р сарын 15

151

2016 оны 09 сарын 15 өдөр                                             Дугаар 18                                              Улаанбаатар хот

 

 

 

Талбайн нэр сэргээх тухай

 

            Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 18 дугаар зүйлийн 18.1.1 “ж”, 25 дугаар зүйлийн 25.1, Нийслэл дэх Захиргааны хэргийн анхан шатны шүүхийн 2016 оны 08 дугаар сарын 16-ны өдрийн 573 дугаар тогтоолыг тус тус үндэслэн Нийслэлийн Иргэдийн Төлөөлөгчдийн Хурлын Тэргүүлэгчдээс ТОГТООХ нь:

            1.Нийслэлийн Сүхбаатар дүүргийн 6 дугаар хороонд байрлах Их эзэн Чингис хааны талбайн нэрийг  Жанжин Д.Сүхбаатарын талбай гэж сэргээн нэрлэсүгэй.

            2.Жанжин Д.Сүхбаатарын талбайн нэрийг сэргээсэнтэй холбогдуулан барилга байгууламжид дугаар олгох, мэдээллийн санд нэмэлт, өөрчлөлт оруулах, бусад арга хэмжээг авч ажиллахыг Нийслэлийн Засаг дарга бөгөөд Улаанбаатар хотын Захирагч /С.Батболд/-д үүрэг болгосугай.

            3.Энэхүү тогтоол гарсантай холбогдуулан Нийслэлийн иргэдийн Төлөөлөгчдийн Хурлын Тэргүүлэгчдийн 2013 оны 07 дугаар сарын 15-ны өдрийн 79 дүгээр тогтоолыг хүчингүй болсонд тооцсугай.                                                                                                                                                                                                                                                                                                                                                                                                                                                                                                   

 

ДАРГА                                                           Ц.САНДУЙ

ХАВСРАЛТ: